கோடை கால உணவுகள் - பகுதி - 2
கோடை கால உணவுகளில் முதன்மையானது - கம்பு
கம்பு ஒரு சிறு தானியம். சிறு தானிய வகைகளில் அதிகமாக விளைய கூடியது.
கம்பு பயிரானது அதிக வெப்பத்தையும் எதிர்த்து குறைந்த அளவு நீரிலும் வளர கூடியது.
கம்பு - தமிழ், பியர்ல் மில்லட் - ஆங்கிலம் , சஜஜுலி - தெலுங்கு, கம்பம் - மலையாளம், பஜ்ரா - கன்னட மொழியுலும் அழைக்கபடுகிறது.
கம்பு உணவுகளை உண்பதால் ஏற்படும் நன்மைகள்:
* உடல் வெப்பத்தை சீராக வைக்க உதவும்.
* புரத சத்து நிறைந்தது .
* உடலில் நீர் சத்தை சம நிலை படுத்தும்.
* இரைப்பையின் அமில தன்மையை குறைக்கும்.
* இதய நோய் வராமல் பாதுகாக்கும்.
* கால்சியம், இரும்பு சத்து , நார் சத்து மற்றும் உடலுக்கு தேவையான அமினோ அமிலங்கள் அதிகமாக உடையது.
இந்த கோடைக்கேற்ற சிறந்த உணவு:
கம்பங் கூழ்.
தேவையான பொருட்கள் :
- கம்பு மாவு / கம்பு - 1 கப்
- நீர் - 2 லிட்டர்
- உப்பு - தேவைக்கேற்ப
- மோர் - 1 கப்
செய்முறை :
- கம்பை சுத்தம் செய்து ஒன்றிரண்டாக பொடித்து கொள்ள வேண்டும்.
- தேவையான அளவு நீரில் கலந்து உப்பு சேர்த்து வேக வைத்து கொள்ள வேண்டும்.
- குடிக்கும் பொழுது மோர் கலந்து குடிக்கலாம்.
No comments:
Post a Comment