பாரம்பரிய உணவுகள் - பகுதி 2

பாரம்பரிய உணவுகள் - பகுதி 2

பீட்ரூட் கோலா உருண்டை 

தேவையான பொருட்கள் :

பீட் ரூட் : 2

துவரம் பருப்பு - 100 கிராம்

கடலை பருப்பு  - 100  கிராம்

வெங்காயம் - 1

பூண்டு  - 10 பல்

சோம்பு - 1 தேனீர் கரண்டி

ஜீரகம் -  1 தேனீர் கரண்டி

தேங்காய் ( துருவியது ) - 1/2 கப்

காய்ந்த மிளகாய்  - 5

கடலை மாவு  - 1/4 கப்

எண்ணெய் -  தேவையான அளவு

உப்பு - தேவையான அளவு

செய்முறை :

# துவரம் பருப்பு, கடலை பருப்பு  இரண்டையும் ஒரு மணி நேரம் ஊற வைத்து , அதனுடன் துருவிய தேங்காய் சேர்த்து கொரகொரப்பாக அரைக்கவும்.

#  இந்த மாவுடன் வெங்காயம், பூண்டு, காய்ந்த மிளகாய், சோம்பு, ஜீரகம் சேர்த்து நன்றாக அரிது கொள்ளவும்.

# பீட்ரூட்டை தோல் சீவி, துருவி வைத்து கொள்ளவும்.

# ஒரு பாத்திரத்தில் துருவிய பீட்ரூட், அரைத்த மாவு இரண்டையும் போட்டு தேவையான அளவு உப்பு , கறிவேப்பிலை, கொத்தமல்லி இலைகளை சேர்த்து பிசையவும்.

# அதனுடன் கடலை மாவு சேர்த்து நன்றாக கலக்கவும்.

# கடாயில் எண்ணெய் ஊற்றி அடுப்பில் வைத்து எண்ணெய் சூடானவுடன் பீட்ரூட் கலவையை சிறுசிறு உருண்டைகளாக உருட்டி எண்ணையில் பொரித்து எடுக்கவும்.

# சுவையான பீட்ரூட் கோலா உருண்டை தயார்.

குறிப்புகள் :

* மாலை சிற்றுண்டிக்கு ஏற்றது

* செட்டிநாட்டு சமையல் வகையை சேர்ந்தது.

* பீட்ரூட் சாப்பிட பிடிக்காதவர்களுக்கும் ஏற்ற ஒரு உணவாகும்.