கோடை கால உணவுகள்

கோடை கால உணவுகள் - பகுதி 15

# கோடை காலத்தில் உள்ள அதிக வெயிலை பயன்படுத்தி நாம் அடுத்த ஆண்டு முழுமைக்கான சில உணவுகளை தயார் செய்ய முடியும்.

# கொத்தவரங்காய் வத்தல் , மோர் மிளகாய், மாவடு, ஆவக்காய் ஊறுகாய். போன்றவை இந்த சமயத்தில் செய்து வைத்து கொள்ளலாம்.

# இவை தவிர பல வகையான வத்தல் வகைகளை நாம் தயாரிக்கலாம்.

மாவடு 

தேவையான பொருட்கள்  :

வடு மாங்காய் - 1/2  கிலோ 

உப்பு - 1/2 கப் 

மிளகாய் தூள்  - 50 கிராம் 

மஞ்சள் தூள் - 2 தேக்கரண்டி 

கடுகு - 2 மேஜை கரண்டி 

நல்லெண்ணெய் -  4 மேஜை கரண்டி 

செய்முறை :

* வடு மாங்காயை நன்றாக சுத்தம் செய்து கொள்ளவும்.

* தண்ணீர் போக நன்றாக காய்ந்ததும் அதில் உப்பு, மஞ்சள் தூள் , நல்லெண்ணெய் சேர்த்து கலக்கி ஒரு நாள் முழுவதும் ஊற விடவும்.

* கடுகை பொடி செய்து கொள்ளவும்.

* கடுகு பொடி , மிளகாய் தூள் இரண்டையும் வடு மாங்காவில் சேர்த்து கரண்டியால் கலக்கவும்.

* இந்த கலவையை ஒரு வாரம் வரையில் அப்படியே வைத்திருக்கவும். வடு மாங்காயில் உள்ள நீரே போதுமானது. அதனால் தண்ணீர் சேர்க்க வேண்டாம்.

* தினமும் இரண்டு முறை கரண்டியால் கிளறி விடவும்.

* சுவையான வடு மாங்காய் தயார்.

* இது தனியாகவும், சாதத்துடன் தொட்டு கொள்ளவும் ஏற்றது.

கொத்தவரங்காய் வத்தல் 

தேவையான பொருட்கள் :

கொத்தவரங்காய்  - 1/4 கிலோ 

உப்பு - சிறிதளவு 

மோர் - 1/4 கப் 

மிளகாய் தூள் - 1 தேக்கரண்டி 

செய்முறை :

# நன்றாக முதிர்ந்த கொத்தவரங்காய் வாங்கவும்.

# அடுப்பில் நீர் வைத்து சூடானவுடன் அதில் உப்பு  சேர்த்து கொதிக்க விடவும்.

# பிறகு அதில் கொத்தவரங்காய் சேர்த்து 5 நிமிடம் வேக விடவும்.

# சிறிது நேரம் கழித்து நீரில் இருந்து எடுத்து ஒரு தட்டில் பரப்பி கைய விடவும்.

# அடுத்த நாள் மோருடன் மிளகாய் தூள் சேர்த்து அதை கொத்தவரங்காய் உடன் சேர்த்து நன்றாக கலந்து வெய்யிலில் காய விடவும்.

# 3 -4 நாட்கள் நன்றாக உலரும் படி காய வைக்கவும்.

# காற்று புகாத டப்பாவில் வைத்து பயன்படுத்தலாம்.

# தேவை படும் பொழுது எண்ணெயில் பொரித்து சாப்பிடலாம்.