உடல்நலத்திற்கு நன்மை விளைவிக்கும் பழச்சாறு வகைகள் - 4

பாகற்காய், ஆப்பிள், வெள்ளரி பழச்சாறு 

 

 தேவையான பொருட்கள் 

பாகற்காய்  -4

ஆப்பிள் - 50 கிராம் 

வெள்ளரிக்காய் - 1 (சிறியது)

 எலுமிச்சை பழச்சாறு - சிறிதளவு 

துருவிய இஞ்சி - சிறிதளவு 

செய்முறை 

• பாகற்காயை   சீவி விதைகளை நீக்கி,  சிறிய துண்டுகளாக நறுக்கிக் கொள்ளவும்.
•  ஆப்பிள் விதைகளை நீக்கி துண்டுகளாக நறுக்கிக் கொள்ளவும்.
•  பாகற்காயை சிறிது நேரம் உப்பு சேர்த்த தண்ணீரில் ஊறவைத்து பின்பு பயன்படுத்தவும்.
•  வெள்ளரியின் தோல் சீவி சிறிய துண்டுகளாக நறுக்கிக் கொள்ளவும்.
•  நறுக்கிய பாகற்காய்,  ஆப்பிள், வெள்ளரித் துண்டுகளை ஒரு மிக்ஸி ஜாரில் போட்டு அதனுடன் எலுமிச்சை சாறு மற்றும் துருவிய இஞ்சி சேர்த்து நன்கு அரைக்கவும்.
•  தேவையான அளவு தண்ணீர் சேர்த்துக் கொள்ளவும். பின்பு வடிகட்டி தேன் அல்லது கருப்பு உப்பு சேர்த்து அருந்தலாம்.

பாகற்காய் ஆப்பிள் வெள்ளரி பழச்சாற்றில் நன்மைகள் 

• பாகற்காய் பழச்சாறு நிறைய ஊட்டச்சத்துக்களை உடையது.  குறைந்த கலோரிகளையும், அதிக நார்ச் சத்தும் நிறைந்தது. இந்த பழச்சாற்றில்  விட்டமின் சி அதிகம் இருப்பதால் நோய் எதிர்ப்பு சக்தியை அதிகரிக்கிறது.
•   மூளைத்திறனை மேம்படுத்துகிறது 
• இந்த பழச்சாறு வைட்டமின் ஏ வின் சிறந்த உணவுப் பொருளாகும் அதனால் கண் பார்வையை மேம்படுத்தி, தோல் ஆரோக்கியத்தையும் மேம்படுத்துகிறது.
•  உடலிலுள்ள புண்களை ஆற்ற பயன்படுகிறது.
•  நார்ச்சத்து அதிகம் இருப்பதால் செரிமான சக்தியை மேம்படுத்தி உடலில் சர்க்கரையின் அளவை சீராக்குகிறது.
•  நீரிழிவு நோயை கட்டுப்படுத்த சிறந்த உணவாகும்.
•  உடல் எடையை குறைப்பதற்கு பயன்படுகிறது.  இந்த பழச்சாறு அதிக நார்ச்சத்து, குறைந்த கேலரி கொண்டது.  மற்றும் உடலின் நீர் ஏற்றத்தை மேம்படுத்துகிறது. எனவே பசி உணர்வை மட்டுப்படுத்தி உணவு நேரங்களுக்கு இடையே உண்ணும் நொறுக்குத்தீனி சாப்பிடும் பழக்கத்தை கட்டுப்படுத்த உதவுகிறது.
•  இதில் கேன்சருக்கு எதிரான காரணிகள் உள்ளன.
•  பாகற்காய் பழச்சாறு உடலில் கெட்ட கொழுப்புகளை நீக்கி நல்ல கொழுப்பு நல்ல கொழுப்பின் அளவை அதிகப்படுத்த உதவுகிறது.

     இந்த பழச்சாற்றை வாரத்திற்கு ஒரு தடவை மட்டுமே அருந்த வேண்டும். அதிகமாக குடித்தால் வயிற்று வலி,  வயிற்றுப் போக்கு  பிற எதிர் விளைவுகளை ஏற்படுத்தலாம்.